ਹਕੂਮਤ ਦੇ ਬੰਦਿਆਂ ਨਾਲ
ਬਹੁਤ ਓੁੱਠਣੀਂ ਬੈਠਣੀਂ ਹੈ ਤੇਰੀ ।
ਮੇਰੇ ਦੋਸਤ ਬਣੇਂ ਦੁਸ਼ਮਣ
ਮੈਂ ਸੁਣਿਆਂ
ਕਿ ਤੇਰੀ ਬਹੁਤ ਚੱਲਦੀ ਹੈ
ਸਰਕਾਰੇ ਦਰਬਾਰੇ ।
ਮੰਤਰੀਆਂ ਸੰਤਰੀਆਂ ਨੂੰ
ਤੂੰ ਸੁਣਿਆਂ ਤੋਹਫੇ ਦੇ ਕੇ ਮਿਲਦਾ ਏਂ ।
ਇਹ ਤੋਹਫੇ ਦੇ ਕੇ ਚੱਲਦੀ ਕੀ ਹੋਈ ?
ਜੇ ਤੋਹਫੇ ਲੈ ਕੇ ਚੱਲਦੀ ਏ ਤਾਂ ਦੱਸ ।
ਨਹੀਂ ਤੋਹਫੇ ਦੇ ਕੇ ਤਾਂ
ਸਾਡੇ ਪਿੰਡ ਵਾਲਾ ਭੱਜੀ ਵੀ ਚਲਾ ਲਓੁ ।
ਬਾਈ ਸੁਣਿਆਂ ਤੈਨੂੰ
ਭ੍ਰਿਸ਼ਟਾਚਾਰ ਵੀ ਬਹੁਤ ਰੜਕਦਾ ਹੈ ।
ਫਿਰ ਆਹ ਤੋਹਫੇ ਦੇਣ ਵਾਲੀ
ਕਹਾਣੀਂ ਕੀ ਏ ?
ਕਹਾਣੀਂ ਦਾ ਤਾਂ ਪਤਾ ਨਹੀਂ
ਪਰ, ਮੈਂ ਸੁਣਿਆਂ
ਕਿ ਤੇਰੀ ਚੱਲਦੀ ਬਹੁਤ ਹੈ
ਤੋਹਫੇ ਦੇ ਕੇ ।
ਮਨਦੀਪ ਸੁੱਜੋਂ
No comments:
Post a Comment